Sölvi Geir Ottesen á æfingu landsliðsins í gær.
Sölvi Geir Ottesen er mættur í starfslið karlalandsliðsins. Þar er hann með sérstaka áherslu á föst leikatriði og varnarleik.
Sölvi fékk mikið hrós eftir fyrsta leik sinn í teyminu en Ísland vann 2-0 sigur gegn Svartfjallalandi og komu bæði mörkin eftir hornspyrnur.
Sölvi fékk mikið hrós eftir fyrsta leik sinn í teyminu en Ísland vann 2-0 sigur gegn Svartfjallalandi og komu bæði mörkin eftir hornspyrnur.
Næst er það Tyrkland í kvöld en það vakti athygli á æfingu í gær að Sölvi var í takkaskónum og tók þátt í byrjun æfingarinnar.
Age Hareide, landsliðsþjálfari Íslands, var spurður að því í gríni á fréttamannafundi í gær hvort hann hefði hugsað sér að setja Sölva í miðvörðinn en Sölvi var frábær varnarmaður á sínum ferli.
„Svarið er nei," sagði Hareide og hló. „En hann getur verið til taks ef einhver dettur úr hópnum. Hann getur enn spilað."
Allt auðvitað í gríni sagt en Sölvi virðist vera að koma sterkur inn í teymið. Hann er efnilegur þjálfari en hann hefur síðustu ár verið aðstoðarþjálfari Íslands- og bikarmeistara Víkings.
Athugasemdir
