FIFA rifjar upp - Tvö ár síðan Ísland tryggði sér sæti á HM

Í dag eru tvö ár liðin síðan Ísland tryggði sér sæti á HM í fyrsta skipti í sögunni.

Ísland vann Kósóvó 2-0 í lokaleik í undankeppninni og tryggði sér um leið sigur í riðlinum.

Gylfi Þór Sigurðsson kom Íslandi yfir undir lok fyrri hálfleiks og Jóhann Berg Guðmundsson bætti við marki í þeim síðari.

FIFA birtir í dag færslu á Twitter þar sem þessi dagur er rifjaður upp en Ísland er fámennasta þjóðin í sögunni til að fara á HM.