Einkunnir Íslands - Systrasýning

Cecilía Rán Rúnarsdóttir - 7
Hafði í raun ekkert að gera í þessum leik. Rólegur dagur á skrifstofunni hjá Cecilíu fyrir utan eitt augnablik í seinni hálfleik þar sem hún varði vel. Fagmannlega gert að vera alltaf á tánum.

Arna Eiríksdóttir - 9
Skoraði sitt fyrsta landsliðsmark og var virkilega góð bæði í uppspili og varnarlega. Áhugaverður kostur í þessa stöðu til framtíðar? Bætti svo við öðru marki sínu undir lokin.

Glódís Perla Viggósdóttir - 9
Mjög fín frammistaða hjá fyrirliðanum. Vítið var ekki það öruggasta en það fór inn. Hún lagði líka upp fyrra markið og fjórða markið. Átti mjög góða tæklingu í seinni hálfleik sem bjargaði marki.

Guðrún Arnardóttir - 6
Smá óörugg á einu augnabliki í fyrri hálfleiknum en það bjargaðist. Flottur leikur.

Hafrún Rakel Halldórsdóttir - 7
Var bakvörður varnarlega en framsækinn miðjumaður sóknarlega. Leysti bæði hlutverk vel. Skapaði usla með hlaupum sínum.

Alexandra Jóhannsdóttir - 7
Kraftmikil á miðsvæðinu og vann boltann vel til baka fyrir liðið. Hljóp gríðarlega mikið.

Hildur Antonsdóttir - 6
Sama og með Alexöndru, lét finna vel fyrir sér.

Thelma Karen Pálmadóttir - 6
Komst oft í álitlegar stöður en náði ekki að nýta þær vel. Hún gerði nokkuð vel í sókninni sem skapaði vítið.

Karólína Lea Vilhjálmsdóttir - 7
Með margar góðar spyrnur og var hættuleg. Komst alveg nokkuð mikið í boltann sem var gott fyrir íslenska liðið.

Sveindís Jane Jónsdóttir - 6
Stórhættuleg löng innköst en náði ekki að gera nægilega vel með boltann í leiknum.

Hlín Eiríksdóttir - 7
Skoraði þriðja markið - báðar systurnar á skotskónum - en er líklega svekkt að hafa ekki skorað meira.

Varamenn:
Ída Marín Hermannsdóttir - 6
Katla Tryggvadóttir - 7
Emilía Kiær Ásgeirsdóttir - 7
María Catharina Gros Ólafsdóttir - 6
Diljá Ýr Zomers - 6