Anton Ari Einarsson.
„Ég er bara svekktur. Frammistaðan hjá liðinu var frábær en ég hefði verið til í að gera betur þarna í eitt skiptið," segir Anton Ari Einarsson, markvörður Breiðabliks, eftir 1-1 jafnteflið við Víking í opnunarleik Bestu deildarinnar.
Blikar leiddu í hálfleik en eftir mistök Antons jafnaði Gylfi Þór Sigurðsson fyrir Víking. Annars átti Anton mjög góðan leik.
Blikar leiddu í hálfleik en eftir mistök Antons jafnaði Gylfi Þór Sigurðsson fyrir Víking. Annars átti Anton mjög góðan leik.
Lestu um leikinn: Víkingur R. 1 - 1 Breiðablik
„Það getur fylgt þessu að það má ekki mikið út af bregða þegar þú ert þarna á vellinum. Þó maður sé ekki að hugsa það beint núna þá reynir maður að læra af þessu og áfram veginn."
„Boltinn kom í óþægilegri hæð og mér fannst ég ekki getað hreinsað hann í fyrsta. Ég hitti boltann alls ekki og hann fór beint á Gylfa sem kláraði vel því ég var kominn vel út. Ætli þetta sé ekki gæinn sem maður vill minnst vilja gefa á ef maður ætlar að gera þetta á annað borð. Auðvitað vill maður bara sleppa þessu almennt."
Viðtalið er í heild í sjónvarpinu hér að ofan.
