Gunnar Már Guðmundsson þjálfari Fjölnis og Markús Steinn Markan Ásmundsson.
Markús Steinn Markan Ásmundsson, sem fæddur er árið 2008, er kominn til Fjölnis frá Breiðabliki þar sem hann hefur leikið upp alla yngri flokka félagsins.
Fjölnir féll úr Lengjudeildinni í fyrra en stefnir á að staldra ekki lengi við í 2. deildinni.
Fjölnir féll úr Lengjudeildinni í fyrra en stefnir á að staldra ekki lengi við í 2. deildinni.
„Markús Steinn er fjölhæfur leikmaður sem getur leyst margar stöður á vellinum, en leikur helst á miðjunni eða í sókn þar sem hann nýtir vel tæknilega hæfileika sína og mikla hlaupagetu," segir á heimasíðu Fjölnis.
„Sterkar tengingar eru einnig til staðar við Fjölni í fjölskyldu Markúsar. Móðurbróðir hans er Pétur Georg Markan sem lék með Fjölni á sínum tíma og faðir hans er Ásmundur Arnarsson, fyrrum þjálfari Fjölnis. Telja má því líklegt að fyrsta liðstreyjan sem Markús klæddist hafi verið Fjölnistreyja."
Markús Steinn sjálfur er spenntur fyrir nýju áskoruninni í Grafarvoginum:
„Ég er ótrúlega glaður að vera kominn hingað í Fjölni í topp aðstæður og gott umhverfi. Ég vonast til að geta hjálpað þessum stóra klúbbi að komast aftur á sinn stað og á sama tíma þroskast og taka framförum sem leikmaður," segir Markús við heimasíðu Fjölnis.
Skagamaðurinn Axel Freyr Ívarsson hefur hinsvegar yfirgefið Fjölni eftir eitt ár í Grafarvoginum og gengið í raðir KFG sem einnig leikur í 2. deild.
2. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Dalvík/Reynir | 0 | 0 | 0 | 0 | 0 - 0 | 0 | 0 |
| 2. Fjölnir | 0 | 0 | 0 | 0 | 0 - 0 | 0 | 0 |
| 3. Haukar | 0 | 0 | 0 | 0 | 0 - 0 | 0 | 0 |
| 4. Hvíti riddarinn | 0 | 0 | 0 | 0 | 0 - 0 | 0 | 0 |
| 5. KFA | 0 | 0 | 0 | 0 | 0 - 0 | 0 | 0 |
| 6. KFG | 0 | 0 | 0 | 0 | 0 - 0 | 0 | 0 |
| 7. Kormákur/Hvöt | 0 | 0 | 0 | 0 | 0 - 0 | 0 | 0 |
| 8. Kári | 0 | 0 | 0 | 0 | 0 - 0 | 0 | 0 |
| 9. Magni | 0 | 0 | 0 | 0 | 0 - 0 | 0 | 0 |
| 10. Selfoss | 0 | 0 | 0 | 0 | 0 - 0 | 0 | 0 |
| 11. Víkingur Ó. | 0 | 0 | 0 | 0 | 0 - 0 | 0 | 0 |
| 12. Þróttur V. | 0 | 0 | 0 | 0 | 0 - 0 | 0 | 0 |
