Vilhjálmur Alvar, dómari leiksins.
Sölvi Geir Ottesen, þjálfari Víkings.
„Já, við átum 100% að fá víti. Þetta er alltaf hendi, við áttum að fá víti þarna. Það er virkilega svekkjandi að dómararnir misstu af þessu. Ég held að hann hafi séð þetta, skil ekki af hverju hann dæmir þetta ekki. Það er vissulega svekkjandi og hefði gefið okkur vítaspyrnu undir lokin. Ég er virkilega ósáttur með það," segir Sölvi Geir Ottesen, þjálfari Víkings, við Fótbolta.net eftir jafntefli við Breiðablik í 1. umferð Bestu deildarinnar.
Sölvi var spurður út í stórt atvik undir lok leiksins þar sem boltinn fór í hönd Ásgeirs Helga Orrasonar inn á vítateig Breiðabliks eftir að Gunnar Vatnhamar spyrnti í boltann. Víkingar vildu víti en fengu horn. Vilhjálmur Alvar Þórarinsson gaf til kynna að þetta væri ekki víti og benti svo í átt að hornfána.
Sölvi var spurður út í stórt atvik undir lok leiksins þar sem boltinn fór í hönd Ásgeirs Helga Orrasonar inn á vítateig Breiðabliks eftir að Gunnar Vatnhamar spyrnti í boltann. Víkingar vildu víti en fengu horn. Vilhjálmur Alvar Þórarinsson gaf til kynna að þetta væri ekki víti og benti svo í átt að hornfána.
Lestu um leikinn: Víkingur R. 1 - 1 Breiðablik
„Ég veit ekki hvaða rök það eru, en þetta er stór ákvörðun. Villi er búinn að dæma það marga leiki að hann ætti allavega að þora að dæma þetta víti, en það virðist ekki vera," segir Sölvi.
Viðtalið í heild sinni má sjá í spilaranum efst
„Á endanum er þetta jafntefli og ég er ósáttur með þá niðurstöðu. Við viljum vinna alla leiki hérna á heimavelli og yfir heildina þá fannst mér við eiga skilið að vinna þennan leik. Við gerðum ekki nóg, skoruðum ekki nóg af mörgum. Við fengum fullt af góðum færum í seinni til að skora meira en eitt mark, en nýttum það ekki."
„Við vorum dálítið slegnir út af laginu með þessu marki þeirra en hristum af okkur í seinni hálfleiknum. Það var bara eitt lið á vellinum í seinni og svekkjandi að hafa ekki náð að nýta það."
„Þolinmæðin og hvernig við létum boltann ganga, það skilaði sér í lokin og Blikar urðu þreyttir; það byrjaði að slitna á milli keðjanna hjá þeim og við byrjuðum að finna svæði. Það er miklu erfiðara að elta bolta heldur en að vera með bolta. Það skilaði sér í lokin, við vorum að kaffæra þeim í lokin og þeir voru eiginlega í köðlunum að verja markið og gerðu það alveg vel."
Sölvi segir að það hafi komið sér á óvart að Breiðablik hefði stillt upp þremur miðvörðum. „Ég hef aldrei spilað á móti Breiðabliki í þriggja manna. Það kemur alveg smá á óvart, en við vorum undirbúnir fyrir það."
Sem varnarmaður áttu ekki að halda
Þjálfarinn var svekktur með fyrirliðann sinn, Oliver Ekroth, í markinu sem Blikar skoruðu. „Í fyrsta lagi missir Helgi boltann á miðjunni og þeir geta hlaupið á okkur. Við erum ágætlega staðsettir inn á teignum en það er einhver misskilningur eða hik á fyrirliðanum okkar. Sem varnarmaður áttu ekki að halda að einhver taki boltann. Það er bara burt með boltann. Það virðist vera að hann hafi haldið að Ingvar hafi ætlað að taka boltann. Það er klaufaskapurinn í þessu. Við þurfum að gera betur, Oliver þarf að læra af þessu. Í fótbolta gerast mistök, við viljum fækka þeim og þurfum að læra af þessu."
Í lok viðtals hrósaði Sölvi stuðningsmönnum Víkings mikið fyrir stuðninginn úr stúkunni og endaði viðtalið á léttu nótunum eins og sjá má í spilaranum efst.
