Pirlo: Ég mun ekki stíga til hliðar

Pirlo greinir sjálfur frá þessu en Juventus tapaði 3-0 gegn AC Milan heima í gær og er ekki í Meistaradeildarsæti.

Margir stuðningsmenn Juventus vilja sjá hann stíga til hliðar og þá sérstaklega ef liðinu mistekst að komast í deild þeirra bestu.

Það er þó ekki á dagskrá hjá Pirlo að hætta og ætlar að klára tímabilið með liðinu.

„Segja af mér? Nei ég mun ekki stíga til hliðar. Ég tók metnaðarfullur við þessu starfi þrátt fyrir suma erfiðleika," sagði Pirlo.

„Það eru enn þrír leikir eftir svo ég mun halda áfram svo lengi sem ég fæ að gera það."

Einhverjir ítalskir fjölmiðlar telja að starf Pirlo hangi á bláþræði og að aðstoðarmaður hans, Igor Tudor, gæti tekið við stjórnartaumunum út tímabilið.