Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 10. maí 2021 08:05
Elvar Geir Magnússon
PSG horfir til Salah - Kane vill fara til Barcelona
Powerade
Salah til Frakklands?
Salah til Frakklands?
Mynd: Getty Images
Eberechi Eze hefur leikið ljómandi vel fyrir Crystal Palace.
Eberechi Eze hefur leikið ljómandi vel fyrir Crystal Palace.
Mynd: Getty Images
Andrea Pirlo, stjóri Juventus.
Andrea Pirlo, stjóri Juventus.
Mynd: EPA
Salah, Mbappe, Draxler, Borre, Bissouma, Fernandes, Larin og fleiri koma við sögu í slúðurpakka dagsins. BBC tók saman.

Paris St-Germain skoðar möguleika á að kaupa Mohamed Salah (28) frá Liverpool ef franski sóknarmaðurinn Kylian Mbappe endurnýjar ekki samning sinn við franska félagið. (Mirror)

Harry Kane (27), sóknarmaður Tottenham og fyrirliði enska landsliðsins, vill fara til Barcelona en forráðamenn katalónska stórliðsins eru með Erling Haaland (20) efstan á óskalista sínum. (Sport)

Julian Draxler (27), miðjumaður PSG, hefur samþykkt eins árs framlengingu á samningi sínum við Frakklandsmeistarana. (Le Parisien)

Watford, sem spilar í úrvalsdeildinni, er í viðræðum við kólumbíska sóknarmanninn Rafael Borre (25) um að fara á Vicarage Road þegar samningur hans við River Plate rennur út eftir tímabilið. (Sun)

Yves Bissouma (24), leikmaður Brighton, vill fara frá félaginu í sumar. Manchester City, Liverpool, Arsenal og franska félagið Marseille hafa sýnt þessum miðjumanni frá Malí áhuga. (Times)

Portúgalski stjórinn Nuno Espirito Santo gæti verið á leið frá Wolves. Talið er mögulegt að hann taki við Aston Villa. (Football Insider)

Maurizio Sarri, fyrrum stjóri Chelsea, gæti haft áhuga á starfinu hjá Tottenham. Ítalinn hefur einnig verið nefndur í sambandi við Arsenal ef félagið rekur Mikel Arteta. (Radio Punto Nuovo)

Manchester United mun bjóða portúgalska miðjumanninum Bruno Fernandes (26) nýjan samning eftir úrslitaleik Evrópudeildarinnar. Laun hans gætu tvöfaldast, farið upp í 200 þúsund pund í vikulaun. (Sun)

Roy Hodgson, stjóri Crystal Palace, er bjartsýnn á að Crystal Palace geti haldið enska leikmanninum Eberechi Eze (22) á næsta tímabili. Frammistaða hans hefur vakið mikla athygli. (Goal)

Manchester United undirbýr 80 milljóna punda tilboð í Jadon Sancho (21), leikmann Borussia Dortmund og enska landsliðsins. (Star)

Enski miðjumaðurinn Conor Gallagher (21) er ákveðinn í að koma sér í áætlanir Thomas Tuchel hjá Chelsea. Gallagher hefur verið hjá West Brom á láni en Leeds United, Crystal Palace og Newcastle horfa til hans. (Sun)

Tottenham hefur sagt Jose Mourinho að hann eigi ekki möguleika á að fá Eric Dier (27) og Pierre-Emile Höjbjerg (25) til Roma. (Sun)

Andrea Pirlo, stjóri Juventus, segist ekki vera að íhuga að segja af sér þrátt fyrir að Juve eigi á hættu að missa af Meistaradeildarsæti. Juve er í fimmta sæti ítölsku A-deildarinnar eftir 3-0 tap gegn AC Milan. (Sky Italia)

Lyon hefur áhuga á að fá brasilíska varnarmanninn Renan Lodi (23) frá Atletico Madrid. (L'Equipe)

Hollenski vængmaðurinn Noa Lang (21) hefur sagt Club Brugge að hann muni ekki taka ákvörðun um framtíð sína fyrr en eftir tímabilið. Leeds United hefur áhuga á að fá hann. (GVA)

Leicester City mun fá samkeppni um franska miðjumanninn Boubakary Soumare (22) hjá Lille. Everton, Wolves og Aston Villa hafa öll áhuga og þá hefur leikmaðurinn lengi verið orðaður við AC Milan. (Foot Mercato)

Stuttgart er í viðræðum við Arsenal um nýjan lánssamning við gríska varnarmanninn Konstantinos Mavropanos (23). (Kicker)

Inter mun hlusta á tilboð í miðjumaninn Arturo Vidal (33) til að reyna að lækka launakostnað félagsins. Marseille hefur áhuga en hefur ekki gert tilboð. (Calcio Mercato)
Athugasemdir
banner
banner
banner
banner