Þórður Þorsteinn Þórðarson dómari.
Sindri Kristinn Ólafsson.
Nacho Heras fékk rautt í gær.
Sindri Kristinn Ólafsson, markvörður Keflavíkur, segir að dómarinn Þórður Þorsteinn Þórðarson hafi verið með mikilmennskubrjálæði þegar hann dæmdi leik Keflavíkur og Þróttar í Lengjudeildinni í gær.
Sindri sakar Þórð um að hafa rekið liðsfélaga sinn, Nacho Heras, af velli fyrir smámuni. Þróttur vann leikinn 1-0 en Nacho fékk rautt spjald fyrir kjaftbrúk á 45. mínútu.
Nacho fékk upphaflega gult spjald fyrir mótmæli þegar hann kallaði eftir vítaspyrnu en eftir að gula spjaldið fór á loft sagði hann eitthvað við Þórð til viðbótar sem varð til þess að hann lyfti umsvifalaust upp rauða spjaldinu.
Sindri sakar Þórð um að hafa rekið liðsfélaga sinn, Nacho Heras, af velli fyrir smámuni. Þróttur vann leikinn 1-0 en Nacho fékk rautt spjald fyrir kjaftbrúk á 45. mínútu.
Nacho fékk upphaflega gult spjald fyrir mótmæli þegar hann kallaði eftir vítaspyrnu en eftir að gula spjaldið fór á loft sagði hann eitthvað við Þórð til viðbótar sem varð til þess að hann lyfti umsvifalaust upp rauða spjaldinu.
Lestu um leikinn: Keflavík 0 - 1 Þróttur R.
Að sögn Sindra sagði Nacho aðeins 'alltaf víti' og það hafi orðið til þess að hann var rekinn af velli.
„Fátt eins merkilegt og dómarar sem gefa T og spjöld vegna viðbragða leikmanna þegar viðbrögðin eru vegna mistaka dómaranna sjálfra. Ætli þeim detti aldrei í hug að velta því fyrir sér hvort viðbrögðin eigi rétt á sér…?" skrifaði Sævar Sævarsson, stuðningsmaður Keflavíkur, á samfélagsmiðilinn X og Sindri svaraði:
„Nei, enda má dómarinn vera harður og segja leikmanni að grjóthalda kjafti en hann má ekki segja “alltaf víti”. Mikilmennsku brjálæðið verður varla meira."
Sagði Nacho eitthvað á spænsku?
Einhverjar sögur eru um að Nacho hafi sagt eitthvað vafasamt á spænsku. Eftir leik í gær setti Nacho eitt orð inn á samfélagsmiðla sína en það var orðið 'lygari' sem hlýtur að teljast tilvísun í ákvörðun Þórðar að reka hann af velli.
Haraldur Freyr Guðmundsson, þjálfari Keflavíkur, var spurður út í rauða spjaldið sem Nacho fékk í viðtali beint eftir leik og svaraði:
„Nacho mótmælti dómnum og hefur sagt eitthvað við hann (Þórð). Ekki nóg með það að hann hafi fengið gult heldur þá fær hann annað gula strax aftur fyrir kjaft líka. Hvað hann sagði veit ég ekki en væntanlega eitthvað á spænsku og ef hann hefur metið það þannig að það væri rautt spjald þá er það rautt spjald," sagði Haraldur.
Nei, enda má dómarinn vera harður og segja leikmanni að grjóthalda kjafti en hann má ekki segja “alltaf víti”. Mikilmennsku brjálæðið verður varla meira.
— Sindri Kristinn (@sindrikrisss) May 9, 2025
Athugasemdir
