Messi spjallaði lengi við Daníel Tristan eftir leikinn

Lionel Messi var meðal markaskorara í 3-0 sigri Argentínu gegn Íslandi í vináttulandsleik í Bandaríkjunum í nótt.

Messi, einn besti leikmaður sögunnar og mögulega sá besti, sýndi gæði sín eftir að hafa komið inn af bekknum en sviðsljósið mun svo sannarlega beinast að honum á HM sem er handan við hornið.

Eftir leikinn spjallaði Messi lengi við Daníel Tristan Guðjohnsen sem einnig kom inn af bekknum í leiknum. Messi spilaði með pabba Daníels, Eiði Smára Guðjohnsen, hjá Barcelona á sínum tíma og var það kveikjan af samskiptum þeirra.

Messi var ber að ofan enda hafði hann skipt á treyju við Jón Dag Þorsteinsson beint eftir lokaflautið.

Hér að neðan má sjá Daníel spjalla við Messi, Jón Dag fá treyjuna og svo einnig markið sem argentínska goðsögnin skoraði en það kom af vítapunktinum.