Fylkir tapaði 0-1 gegn Breiðablik í Mjólkurbikar kvenna í kvöld. Kjartan Stefánsson var svekktur með niðurstöðuna:

„Ég er fúll að tapa hér í dag. Eða, ég er hundfúll. Mér fannst við ekki byrja leikinn af þeim krafti sem við vildum en eftir svona 20 mínútur vorum við drullugóðar og mér fannst við betri en þær ef eitthvað er."

Lestu um leikinn: Fylkir 0 -  1 Breiðablik

„Við vorum að reyna að spila í svokalla millihæð, á milli lína. Mér fannst það takast ágætlega. Við keyrðum inn á miðsvæðið og mér fannst við opna þær þar tvisvar-þrisvar."

Fylkisstelpur voru að koma úr sóttkví. Fannst honum það hafa mikil áhrif?

„ Ég var hræddur fyrir leikinn um að þetta sóttkví sæti í þeim. Ég bjóst við aðeins meiri skjálfta en fannst við komast nokkuð vel frá þessu. Mér fannst við sýna þor og ákveðni í dag og ég var sáttur við margt í leiknum."

Hvað fannst honum um vítaspyrnudóminn sem aldrei varð?

„Auðvitað áttum við að fá víti í leiknum og svo eigum við að nýta þessi færi sem við fáum. Ég sá atvikið ekki vel en ég er búinn að sjá brot af því í síma og finnst þetta klárt víti."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit