Arteta: Það var hrein unun

Arteta vildi sjá leikmenn Arsenal svara fyrir 3-0 tapið gegn Brighton fyrir landsleikjahléið. Þeir lentu undir gegn Leeds í dag en sýndu karakter og sneru leiknum sér í vil með tveimur mörkum.

„Fyrir leikinn ræddum við tvennt. Fyrst áskorunina sem beið okkar. Leeds hafði ekki tapað í deildinni og við vissum að þetta yrði erfitt. Svo þurftum við að finna okkar leik aftur og vera við sjálfir, sama hvað gerðist í leiknum.“

„Við vorum ósáttir við frammistöðuna gegn Brighton og fengum tækifæri til að svara fyrir hana í dag. Við brugðumst við eins og við ætluðum okkur,“ sagði Arteta.

Hann hrósaði Leeds en var jafnframt ánægður með framlag varamanna sinna.

„Þeir eru ótrúlega vel skipulagðir og með líkamlega sterka leikmenn sem gefa allt í þetta.“

„Þegar þú spilar á heimavelli klukkan 11:30 og lendir 1-0 undir þarftu að ná þér aftur á strik. Við þurftum meðal annars að ná upp orkunni og viðbrögðin voru frábær. Maður fann strax breytinguna hjá stuðningsmönnunum. Markaskorararnir komu inn á og skiptu sköpum.“

„Með þessum þremur leikmönnum fengum við mikla leiðtogahæfileika inn á völlinn. Þeir eru hættulegir fyrir framan markið, geta unnið návígi, spilað fram á við og ógnað gegn hárri pressu.“

„Tímasetningarnar, samspilið og útfærslan voru hrein unun,“ sagði Arteta.