West Ham United er komið áfram í fjórðu umferð enska bikarsins eftir 1-0 sigur á Stockport County í kvöld en ljóst er að West Ham mætir Doncaster Rovers í fjórðu umferðinni.

Gestirnir áttu besta færi fyrri hálfleiksins en Said Benrahma átti þá skot sem fór af stönginni og aftur fyrir endamörk.

Stockport varðist vel og tókst að halda út fyrri hálfleikinn. Declan Rice vildi fá vítaspyrnu á 58. mínútu er boltinn fór í höndina á varnarmanni Stockport en Mike Dean, dómari leiksins, dæmdi ekkert.

West Ham tókst þó að koma boltanum í netið á 83. mínútu er Craig Dawson skallaði fyrirgjöf Jarrod Bowen í netið.

Lokatölur 1-0 fyrir West Ham sem er komið áfram og mætir Doncaster Rovers í næstu umferð.