Óli Stefán: Ég fór bara að hlæja

„Við erum búnir að spila við þá tvisvar og báðir leikir hörkuleikir. Bæði lið hafa gert vel í sumar."

Selfoss kemur í leikinn eftir átta sigra, eitt jafntefli og eitt tap í deildinni. Einn af sigrunum kom gegn Haukum. „Ég er mjög ánægður með hvar við erum núna."

Selfoss tryggði sér sæti í Lengjudeildinni með því að sigra KFG í lokaumferð 2. deildar. Selfoss komst í 2-0 í leiknum en missti svo mann af velli með rautt spjald.

„Ég fór bara að hlæja, þetta súmmeraði upp sumarið hjá okkur, erum búnir að ganga í gegnum margt en strákarnir hafa staðist hverja raun og vaxið í gegnum þetta allt saman. Þeir gerðu það svo sannarlega manni færri í seinni hálfleiknum. Þar kom að góðu öll þessi vinna sem við erum búnir að leggja í varnarleikinn. Það skein í gegn í lokin."

Selfoss vann þessa keppni 2024 og Óli Stefán telur að sú reynsla geti hjálpað á morgun.

„Ég hef rætt við þá sem voru hérna þann daginn og það er ansi stór hluti af hópnum og líka þeir sem eru að vinna í kringum liðið. Reynslan skín í gegn, menn hafa upplifað þetta áður. Við skulum vona að spennustigið haldist jafnt og gott."

„Þeir sem eru í kringum knattspyrnudeildina og samfélagsmiðlastjórinn hafa verið í yfirvinnu frá því að þetta var staðfest og eru að gera mjög vel. Það myndast mjög góð stemning eins og alltaf í kringum svona viðburði á Selfossi," segir Óli Stefán sem býst við mörgum Selfyssingum á leikinn.