Alonso, Neto, Eze, Greenwood, Ramaj, Alli, Son og fleiri góðir í slúðri dagsins
banner
   sun 11. mars 2018 19:20
Ívan Guðjón Baldursson
Lengjubikarinn: Blikum skellt á Akureyri - KR vann ÍR
Mynd: Fótbolti.net - Hafliði Breiðfjörð
KA fékk Breiðablik í heimsókn í A-deild Lengjubikarsins og kláraði leikinn á fyrstu 40 mínútunum.

Daníel Hafsteinsson og Elfar Árni Aðalsteinsson voru búnir að setja tvö á fyrstu tíu mínútunum og varð verkefni Blika talsvert erfiðara þegar Damir Muminovic fékk beint rautt spjald.

Aleksandar Trninic bætti þriðja marki heimamanna við í Boganum áður en Elfar Árni gerði fjórða og síðasta mark leiksins úr vítaspyrnu í síðari hálfleik.

Kolbeinn Þórðarson fékk tvö gul spjöld í uppbótartímanum og luku Blikar því leik með níu leikmenn á vellinum.

Þetta er fyrsta tap Blika í Lengjubikarnum, en liðið var með 16:0 í markatölu fyrir leikinn í dag. KA er á toppi riðilsins, með fullt hús stiga og leik gegn Þrótti í síðustu umferð.

Björgvin Stefánsson og Pálmi Rafn Pálmason skoruðu þá fyrir KR í 2-0 sigri á ÍR. KR er með sjö stig eftir sigurinn en ÍR situr stigalaust á botninum.

KR 2 - 0 ÍR
1-0 Björgvin Stefánsson ('45)
2-0 Pálmi Rafn Pálmason ('49)

KA 4 - 0 Breiðablik
1-0 Daníel Hafsteinsson ('1)
2-0 Elfar Árni Aðalsteinsson ('9)
3-0 Aleksandar Trninic ('38)
4-0 Elfar Árni Aðalsteinsson ('62, víti)
Rautt spjald: Damir Muminovic ('36), Kolbeinn Þórðarson ('91), Breiðablik

Markaskorarar af urslit.net
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner