Nökkvi Þeyr Þórisson og Þorri Mar Þórisson.
Nökkvi Þeyr Þórisson og Þorri Mar Þórisson hafa gengið til liðs við Dalvík/Reyni í 3. deildinni.
Þorri og Nökkvi hafa leikið fyrir U17 og U19 ára lið Hannover 96 í Þýskalandi en þeir eru báðir komnir aftur til Íslands. Nökkvi og Þorri eru báðir sóknarmenn en þeir eru fæddir árið 1999.
„Það er mikið fagnaðar efni þegar heimamenn snúa til baka og við lítum á þetta sem sterk skilaboð að ná í Þorra og Nökkva. Við horfum á þetta sem stórt tækifæri fyrir okkar starf. Bræðurnir og þeirra foreldrar sýna okkur jafnframt mikið traust með þessari ákvörðun. Þetta eru ungir og spennandi leikmenn sem eru rétt að hefja sinn feril og við höfum mikla trú á þessum strákum," segir Garðar Níelsson, formaður Knattspyrnudeildar Dalvíkur/Reynis.
Dalvík/Reyni er spáð 9. sæti í spá þjálfara í 3. deildinni fyrir sumarið en liðið mætir Augnabliki í fyrstu umferðinni á morgun.
Athugasemdir
