Valskonur eru einum færri á Kópavogsvelli.
Núna er ekki liðið mikið af fótboltasumrinu en nú þegar eru komin tvö rauð spjöld í Bestu deild kvenna fyrir hártog.
Það fyrra kom í fyrstu umferð í leik Vals og Grindavík/Njarðvík þar sem Maci Teater, leikmaður síðarnefnda liðsins, fékk að líta rauða spjaldið. Núna var það Hrafnhildur Salka Pálmadóttir, leikmaður Vals, sem fékk rautt fyrir að toga í hár Barbáru Sólar Gísladóttur, leikmanns Breiðabliks, á Kópavogsvelli.
Það fyrra kom í fyrstu umferð í leik Vals og Grindavík/Njarðvík þar sem Maci Teater, leikmaður síðarnefnda liðsins, fékk að líta rauða spjaldið. Núna var það Hrafnhildur Salka Pálmadóttir, leikmaður Vals, sem fékk rautt fyrir að toga í hár Barbáru Sólar Gísladóttur, leikmanns Breiðabliks, á Kópavogsvelli.
Lestu um leikinn: Breiðablik 2 - 2 Valur
Hrafnhildur Salka var rekin af velli á 18. mínútu, aðeins mínútu eftir að Valur komst óvænt í 1-2.
„Þetta var glórulaust og algjör óþarfi," skrifaði Alexander Tonini í beinni textalýsingu frá leiknum.
„Barbara Sól með boltann í í vinstri bakvarðarstöðunni og gabbar Hrafnhildi upp úr skónum og Hrafnhildur ákveður að stöðva hana með því að rífa í hárið hennar. Gunnar sá þetta vel og var ekki lengi að rífa upp rauða spjaldið."
Þess má geta að leikur Breiðabliks og Vals í kvöld er leikur í fjórðu umferð Bestu deildarinnar.
