Jonny Evans varnarmaður Manchester United verður ekki með norður írska landsliðinu sem mætir Andorra í vináttulandsleik í Murcia á Spáni í kvöld.
Evans spilaði allan leikinn þegar Norður Írland tapaði 5-1 í vináttulandsleik gegn Spáni á Mallorca á laugardaginn.
Evans er fyrirliði landsliðsins en hann hefur spilað 107 landsleiki fyrir þjóð sína.
Þessi 36 ára gamli varnarmaður kom við sögu í 30 leikjum fyrir Manchester United á síðustu leiktíð en Michael O'Neil landsliðsþjálfari Norður Írlands sagði að það væri ómögulegt að ætlast til þess að hann myndi spila gegn Andorra.
Athugasemdir