U19: Þær fara á EM fyrir Íslands hönd

Halldór Jón Sigurðsson, landsliðsþjáfari U19 kvenna, hefur valið hóp sem tekur þátt í lokakeppni EM 2026.

Mótið fer fram í Bosníu og Hersegóvínu dagana 25. júní - 10. júlí og er Ísland þar í riðli með Austurríki, Spáni og Sviss.

Ísland hefur leik gegn Austurríki 28. júní, mætir svo Spáni 1. júlí og endar á leik gegn Sviss 4. júlí.

21 leikmaður er í hópnum og koma flestar í hópnum úr Val. Ragnheiður Þórunn Jónsdóttir er skráð í hollenska félagið PEC Zwolle en hún er þar á láni frá Val. Breiðablik og FH eru þá með fjóra fulltrúa hvort í hópnum.

Anna Arnarsdóttir (Keflavík), Anna Heiða Óskarsdóttir (FH), Ingibjörg Magnúsdóttir (FH), Fanney Lísa Jóhannesdóttir (Stjarnan) og Anika Jóna Jónsdóttir (Víkingur) koma inn í hópinn frá apríl-verkefninu í undankeppninni. A-landsliðskonan Thelma Karen Pálmadóttir, leikmaður Häcken í Svíþjóð, er ekki í hópnum.