„Það var meiri trú og ástríða í augunum á Skagamönnum sem skilaði þeim þessum mörkum," segir Halldór Árnason, þjálfari Breiðabliks, eftir 3-0 tap gegn ÍA í kvöld.
Lestu um leikinn: ÍA 3 - 0 Breiðablik
„Það er alveg klárlega áhyggjuefni að það sé meiri ástríða hjá hinu liðinu. Ég átta mig ekki á því afhverju við mætum ekki af meiri krafti. Þetta er lið sem er gott í skyndisóknum og kemur svo með krossa þegar þeir komast hátt upp völlinn og við gerðum ekki nægilega vel."
Breiðablik hefur nú tapað báðum leikjum sínum gegn Skagamönnum með þriggja marka mun.
„Við fáum tvö dauðafæri undir lok fyrri hálfleiks í dag. Ég hefði gjarnan viljað fara með allavega 2-1 í hálfleikinn. Þeir gera svo vel í að loka leiknum í seinni hálfleik og við náum ekki að skapa okkur afgerandi færi. Það var erfitt fyrir að koma til baka."
Einn umferð er eftir áður en mótinu verður tvískipt en Blikar eru nú sjö stigum á eftir toppliði Vals. Dóri var því spurður hvort hann hefði trú á að sínir menn gætu tekið þátt í toppbarátunni.
„Að sjálfsögðu. Við eigum leik á mánudaginn og svo eru leikir innbyrðis hjá þessum liðum í efri hlutanum. Það er stutt á milli í þessu. Ef við hefðum ekki trú á því gætum við bara lagst niður og hætt. Það eru vonbrigði að hafa ekki fengið meira út úr þessum leik í dag."
„Nánast helmingur af stigum okkar í sumar eru á móti toppliðunum þremur fyrir ofan okkur. Þar höfum við átt góða stigasöfnun og leiki. Á móti liðunum verið neðan okkur hefur stigasöfnun ekki verið nógu góð og frammistaðan ekki nógu góð."
Aron Bjarnason var ekki með Blikum í dag og var utan hóps.
„Það kom bakslag í hans kviðmeiðsli sem hafa plágað hann í allt sumar gegn Víkingi. Aron hefur komið sterkur inn og er mikilvægur fyrir okkur. Ég veit ekki hvað er langt í hann en ég held það sé eitthvað í hann."
Athugasemdir
