Arnar Freyr meiddist.
Halldór Snær Georgsson.
Arnar Freyr Ólafsson, markvörður KR, þurfti að fara meiddur af velli í fyrsta leik Bestu deildarinnar gegn Keflavík. Leikurinn er núna í fullum gangi en Arnar meiddist eftir um tíu mínútna leik.
„Arnar Freyr, markvörður KR, liggur niðri og virðist sárþjáður. Halldór Snær hitar upp," skrifaði Kári Snorrason í beinni textalýsingu úr Vesturbænum.
„Arnar Freyr, markvörður KR, liggur niðri og virðist sárþjáður. Halldór Snær hitar upp," skrifaði Kári Snorrason í beinni textalýsingu úr Vesturbænum.
Lestu um leikinn: KR 3 - 2 Keflavík
Halldór Snær Georgsson kom inn á í stað Arnars en hann var keyptur frá Fjölni fyrir síðustu leiktíð.
Markvarðarstaðan hjá KR er einstök í íslenskum fótbolta og mikil ábyrgð sem henni fylgir. Það hefur vakið athygli í aðdraganda móts hversu mikið markvörður KR hefur spilað utan eigin vítateigs.
„Auðvitað væri maður til í að það væru bara alltaf fullkomnar ákvarðanir; að markmaðurinn myndi bíða og fara á réttum tímapunktum. En því miður er manneskjan ekki þannig að hún tekur alltaf réttar ákvarðanir. Við verðum svolítið að reyna lifa með þessu; vonum að það verði fleiri réttar ákvarðanir heldur en ekki. Svo verður þetta oft skemmtilegra; þú byrjar á einhverju og svo fer það aðeins lengra, þú ætlaðir þér kannski ekki svona langt með það, en það er bara svo gaman. Þá áttu að bakka... áttu að lækka í góða laginu í partýinu?" sagði Óskar Hrafn Þorvaldsson, þjálfari KR, í bikarmörkunum á RÚV á dögunum.
