Portúgalski kantmaðurinn Nani er genginn í raðir Sporting Lissabon í þriðja sinn á ferlinum. Hann er búinn að skrifa undir þriggja ára samning við Sporting.
Hinn 31 árs gamli Nani kemur til Sporting frá Valencia.
Hann var á láni í ítölsku úrvalsdeildinni á síðasta tímabili, hjá Lazio en spilaði aðeins 18 leiki í Seríu A.
Nani hóf feril sinn með Sporting en hann lék einnig með liðinu á láni frá Manchester United árið 2014.
Það hafa ekki verið góðir tímar hjá Sporting upp á síðkastið og yfirgáfu nokkrir leikmenn félagið á dögunum eftir að grímuklæddar fótboltabullur réðust á leikmenn undir lok síðasta tímabils. Forseta félagsins var á dögunum vikið frá starfi sínu og það virðist horfa til bjartari tíma núna. Bruno Fernandes, einn af þeim sem hætti hjá félaginuí síðasta mánuði, er kominn aftur ásamt Nani.
Athugasemdir