Úrvalslið umferða 1-11 - Óskar og Pétur bestir

Atli Gunnar Guðmundsson - Fjölnir: Hefur haldið markinu fimm sinnum hreinu í Inkasso-deildinni í sumar og aðeins fengið á sig tíu mörk. Hefur vaxið mikið í sumar.

Emmanuel Eli Keke - Víkingur Ó.: Stjórnar þeirri vörn sem hefur fengið fæst mörk á sig í deildinni, níu talsins.

Harley Williard - Víkingur Ó.: Potturinn og pannan í annars tíðindalitlum sóknarleik liðsins í sumar.

Arnar Þór Helgason - Grótta: Stór og stæðilegur varnarmaður sem fáir vissu hver var fyrir tímabilið. Verið einn besti leikmaður hjá nýliðum Gróttu í sumar.

Rasmus Christiansen - Fjölnir: Átt frábært tímabil með Fjölni í vetur og hefur sýnt að hann á heima í Pepsi Max-deildinni. Virkilega góður með og án bolta.

Bjarki Þór Viðarsson - Þór: Átt mjög gott tímabil hingað til í vörninni hjá Þór sem hefur aðeins fengið á sig 11 mörk. Tekur virkan þátt í sóknarleik liðsins.

Nacho Gil - Þór: Einn af lykilmönnum Þórs og ástæðan fyrir góðu gengi liðsins. Hefur verið að glíma við meiðsli að undanförnu sem hefur kostað Þór stig.

Hans Viktor Guðmundsson - Fjölnir: Hefur verið öflugur með Fjölni í sumar í nýju hlutverki á miðjunni.

Fred - Fram: Verið geysilega öflugur í spútnikliði Fram í sumar.

Pétur Theodór Árnason - Grótta: Hefur verið á eldi í sumar. 10 mörk í 11 leikjum.

Alvaro Montejo - Þór: Einn hættulegasti framherji deildarinnar. Þriðji markahæsti leikmaður deildarinnar með sjö mörk í aðeins átta leikjum sökum meiðsla.