13.01.21 - 14:30
Magnús Már Einarsson
KR hættir við að áfrýja til CAS
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
KR hefur afturkallað áfrýjun sína til Alþjóða íþróttadómstólsins CAS en þetta staðfesti Páll Kristjánsson, formaður knattspyrnudeildar, í viðtali við Valtý Björn Valtýsson í hlaðvarpsþættinum Mín Skoðun á SportFM.
KR-ingar voru ósáttir þegar keppni á Íslandsmótinu var hætt í fyrra vegna kórónuveirufaraldursins.
Í kjölfarið leitaði KR til aga- og úrskurðarnefndar KSÍ og síðan áfrýjunardómstóls KSÍ. Kæru félagsins var vísað frá og KR hafði áætlað að fara með málið fyrir CAS.
„Við afturkölluðum málið á þeim forsendum að kostnaður hefði hlaupið á fleiri fleiri milljónum og við mátum þetta sem svo að það væri ekki forsvaranlegt af hálfu félagsins að fara með fjármuni þess í slíka vegferð," sagði Páll í Mín skoðun.
Kostnaðurinn er í kringum 40 þúsund frankar eða 5,8 milljónir íslenskra króna.
Í kjölfarið leitaði KR til aga- og úrskurðarnefndar KSÍ og síðan áfrýjunardómstóls KSÍ. Kæru félagsins var vísað frá og KR hafði áætlað að fara með málið fyrir CAS.
„Við afturkölluðum málið á þeim forsendum að kostnaður hefði hlaupið á fleiri fleiri milljónum og við mátum þetta sem svo að það væri ekki forsvaranlegt af hálfu félagsins að fara með fjármuni þess í slíka vegferð," sagði Páll í Mín skoðun.
Kostnaðurinn er í kringum 40 þúsund frankar eða 5,8 milljónir íslenskra króna.
