Ísabella Sara var geggjuð gegn Breiðabliki.
Gylfi er þjálfari umferðarinnar.
Jasmín var hetja Víkinga.
Nýliðarnir í Grindavík/Njarðvík eiga flesta fulltrúa í sterkasta liði 4. umferðar Bestu deildar kvenna eftir stórkostlegan útisigur gegn Þrótti í Laugardalnum.
Natasha Anasi er í liðinu í þriðja sinn í sumar en Rakel Sigurðardóttir og Tinna Hrönn Einarsdóttir voru jafnframt frábærar í leiknum. Þá er Gylfi Tryggvason þjálfari umferðarinnar.
Natasha Anasi er í liðinu í þriðja sinn í sumar en Rakel Sigurðardóttir og Tinna Hrönn Einarsdóttir voru jafnframt frábærar í leiknum. Þá er Gylfi Tryggvason þjálfari umferðarinnar.
Valur tapaði á grátlegan hátt gegn Breiðabliki, 3-2, eftir að hafa verið 1-2 yfir lengst af þrátt fyrir að vera einum færri nánast allan leikinn. Margrét Brynja Kristinsdóttir var maður leiksins og var Ísabella Sara Tryggvadóttir einnig frábær í liði Vals. Hrafnhildur Ása Halldórsdóttir átti góðan leik í liði Breiðabliks og er í sterkasta liðinu í þriðja sinn í sumar.
Olga Sevcova heldur áfram að vera mögnuð fyrir nýliða ÍBV sem eru með fullt hús stiga. Allesandra Augur í marki Þórs/KA kom í veg fyrir það að 2-0 sigur ÍBV yrði stærri.
Jasmín Erla Ingadóttir var hetja Víkings gegn Fram og þá voru Deja Sandoval og Ída Marín Hermannsdóttir bestar í sigri FH gegn Stjörnunni í Garðabæ.
