Jósef Kristinn Jósefsson átti hinn fínasta leik í hægri bakvarðarstöðu Grindvíkinga í 3-0 sigri á Þrótti í kvöld. Hann kom liðinu á bragðið á 22.mínútu og átti síðan þátt í þriðja marki liðsins.
Lestu um leikinn: Þróttur R. 0 - 3 Grindavík
,,Við vorum mikið betri en þeir í fyrri hálfleik og í seinni hálfleik voru þeir mikið meira með boltann og við vorum í sjálfum sér heppnir að fá ekki mark á okkur. Þá hefði þetta orðið mikið erfiðara. Við náðum síðan að setja þriðja markið á þá og þá slökknaði á þeim," sagði Jósef Kristinn. Grindvíkingar hafa nú unnið fimm leiki í röð eftir að hafa tapað í fyrstu umferð.
,,Þetta lítur mjög vel út. Við eigum Leikni R. í næsta leik og það verður hörku toppslagur og við förum klárir í þann leik til að vinna," sagði Jósef að lokum.
Viðtalið í heild sinni er hægt að sjá í sjónvarpinu hér að ofan.
