Vinstri bakvörðurinn Davíð Kristján Ólafsson ræddi við Fótbolta.net eftir 2-2 jafnteflið gegn Ísrael í kvöld.
Lestu um leikinn: Ísland 2 - 2 Ísrael
„Það var svekkjandi að komast yfir tvisvar en þeir jafna í báðum tilfellum. Það er drullusvekkjandi," segir Davíð.
Hann segir jákvætt fyrir sig persónulega að hafa fengið tvo byrjunarliðsleiki.
„Það er jákvætt. Ég á mikið inni en ég horfi á þetta þannig að þetta eru nýir liðsfélagar. Tengingarnar inni á vellinum verða betri með því að fá leiki. Ég er alveg sáttur en veit að ég á mikið inni."
Kom honum á óvart að fá þessa byrjunarliðsleiki?
„Ég var tilbúinn, er í formi og hef spilað vel með félagsliðinu mínu. Ef ég fengi tækifæri ætlaði ég að gera eins vel og ég gæti. Mér fannst það takast ágætlega."
Sjáðu viðtalið í heild í sjónvarpinu hér að ofan en þar fer hann nánar í sína frammistöðu og upplifunina í glugganum.
Athugasemdir
