Ívar Orri flautar íslenska boltann aftur á

Íslenski boltinn fer aftur af stað á föstudagskvöld þegar KR og FH eigast við í stórleik í Pepsi Max-deild karla klukkan 18:00.

Ívar Orri Kristjánsson mun flauta íslenska boltann aftur á en hann var valinn dómari ársins á síðasta ári af Fótbolta.net.

Birkir Sigurðarson og Egill Guðvarður Guðlaugsson verða aðstoðardómarar á leiknum og fjórði dómari Jóhann Ingi Jónsson.

Stjarnan og Grótta mætast einnig á föstudagskvöld, sá leikur verður klukkan 19:15 og heldur Þorvaldur Árnason um flautuna.