Aston Villa 2 - 1 Everton
1-0 Danny Ings ('31 )
2-0 Emiliano Buendia ('86 )
2-1 Lucas Digne ('87 , sjálfsmark)
Fyrsta leik dagsins í ensku úrvalsdeildinni er lokið en þar áttust við Aston Villa og Everton á Villa Park í Birmingham.
Heimamenn í Villa byrjuðu betur og áttu nokkur áhlaup að marki Everton en hægt og rólega komu gestirnir sér inn í leikinn.
Það var Aston Villa sem skoraði fyrsta markið í leiknum en það gerði framherjinn Danny Ings eftir rúmlega hálftíma leik. Hann fékk þá sendingu frá Ollie Watkins og þrumaði knettinum í netið.
Everton reyndi að svara fyrir hlé og hótaði marki nokkrum sinnum en inn vildi boltinn ekki nema einu sinni en þá var flögguð rangstæða.
Síðari hálfleikurinn var tilturlega rólegur þar til í lokinn. Fjórum mínútum fyrir leikslok skoraði varamaðurinn Emiliano Buendia en hann kom inn fyrir Philippe Coutinho á 60. mínútu. Aftur var það Watkins með stoðsendinguna.
Margir héldu að leiknum væri lokið þarna en Everton fór strax upp í sókn og skoraði. Amadou Mvom Onana gerði þá frábærlega fyrir Everton í aðdragandanum og átti hann fyrirgjöf sem Lucas Digne stýrði í sitt eigið net.
Everton gerði allt sem það gat til að jafna og fékk Onana tvo sénsa til þess en tókst ekki að skora. Aston Villa ógnaði úr skyndisóknum og fékk Watkins gott færi sem fór forgörðum.
Ekki var meira skorað og fínn sigur Villa staðreynd. Liðið er með þrjú stig eftir tvær umferðir en Everton er án stiga.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 36 | 24 | 7 | 5 | 68 | 26 | +42 | 79 |
| 2 | Man City | 35 | 22 | 8 | 5 | 72 | 32 | +40 | 74 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 36 | 17 | 8 | 11 | 50 | 46 | +4 | 59 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 9 | 13 | 52 | 49 | +3 | 51 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 36 | 13 | 10 | 13 | 46 | 46 | 0 | 49 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 36 | 13 | 7 | 16 | 50 | 52 | -2 | 46 |
| 14 | Leeds | 36 | 10 | 14 | 12 | 48 | 53 | -5 | 44 |
| 15 | Crystal Palace | 35 | 11 | 11 | 13 | 38 | 44 | -6 | 44 |
| 16 | Nott. Forest | 36 | 11 | 10 | 15 | 45 | 47 | -2 | 43 |
| 17 | Tottenham | 36 | 9 | 11 | 16 | 46 | 55 | -9 | 38 |
| 18 | West Ham | 36 | 9 | 9 | 18 | 42 | 62 | -20 | 36 |
| 19 | Burnley | 36 | 4 | 9 | 23 | 37 | 73 | -36 | 21 |
| 20 | Wolves | 36 | 3 | 9 | 24 | 25 | 66 | -41 | 18 |
