Síminn er að fara inn í sitt síðasta keppnistímabil í Premier League í bili og ætlar að klára þetta sex ára skemmtilega skeið með stæl og mun gera nokkrar tæknilegar og efnislegar uppfærslur sem eru hugsaðar til að gera þetta tímabil að besta tímabili Símans Sport.
Tækninni fleygir fram og Síminn er að uppfæra fyrirkomulag útsendinga í takt við aðferðafræði framtíðarinnar, líkt og er hjá stærstu streymisveitum heims á borð við Netflix, Disney og Amazon. Gagnvirkni, leitarmöguleikar og aðgengileiki er að aukast en hefðbundnar línulegar sjónvarpsrásir eru á undanhaldi. Síminn mun með þessu geta sýnt ótakmarkaðan fjölda leikja á sama tíma á sama stað. Það hefur t.a.m. reynst erfitt í gegnum tíðina að sýna frá öllum leikjum þegar margir leikir eru spilaðir á sama tíma.
Hingað til hafa leikir verið aðgengilegir á línulegum rásum Símans Sport en nú munu leikir færast í sérstaka möppu í viðmóti Sjónvarpi Símans og munu áhorfendur geta skipt á milli leikja á einfaldan hátt.
Næstkomandi fimmtudag munu Tómas Þór og félagar hita upp fyrir komandi tímabil, þar verður farið nánar yfir þær breytingar sem framundan eru á útsendingum enska boltans á Síminn Sport ásamt því að fara yfir allt það helsta sem snýr að komandi tímabili. Þátturinn verður í opinni dagskrá á Sjónvarp Símans kl. 20:00 fimmtudaginn 15. ágúst.
Hér má sjá stutt kynningarmyndband:
https://www.siminn.is/frettir/enski-boltinn-byrjar-aftur#Video1
