Neymar, leikmaður brasilíska landsliðsins og PSG, er á leið aftur til Parísar eftir læknar brasilíska landsliðsins ákváðu að hann væri óleikfær fyrir komandi leiki.

Brasilía mætir Venesúela í dag en ljóst var fyrir talsverðu síðan að Neymar myndi ekki ná þeim leik.

Neymar flaug hins vegar til Brasilíu í von um að geta náð leiknum gegn Úrúgvæ næstkomandi þriðjudag. Nú er ljóst að svo er ekki.

Neymar er því á leið aftur til Parísar en flugið er ellefu og hálfur klukkutími hvor leið.