Ítalía um helgina - Fiorentina heimsækir Bologna

Það er nóg um að vera í ítalska boltanum alla helgina en spilað er frá föstudegi til mánudags.

Aðeins þrjú stig skilja fimm efstu liðin að. Topplið Atalanta mætir Cagliari, Napoli sem er í 2. sæti heimsækir Udinese, Lazio og Inter eigast við og þá fara Albert Guðmundsson og félagar í heimsókn til Bologna.

Albert skoraði í 7-0 sigri á LASK í Sambandsdeildinni í gær en það var þriðji leikurinn hans með Fiorentina eftir að hafa jafnað sig af meiðslum.

Juventus fær Íslendingalið Venezia í heimsókn, Como og Roma mætast og Milan fær Genoa í heimsókn.