Kylian Mbappe.
Kylian Mbappe, stórstjarna Paris Saint-Germain, hefur látið félag sitt vita af því að hann ætlar sér að róa á önnur mið næsta sumar.
Það er The Times sem segir frá þessu.
Mbappe er 21 árs gamall og gekk í raðir PSG frá Mónakó árið 2017. Þessi snöggi kantmaður vill spila annað hvort í ensku úrvalsdeildinni eða í spænsku úrvalsdeildinni.
Því munu félög eins og Real Madrid, Barcelona, Liverpool, Manchester United og Manchester City fylgjast vel með stöðu mála.
Mbappe á tvö ár eftir af samningi sínum og verður hann væntanlega ekki ódýr ef hann verður á ferðinni næsta sumar.
Athugasemdir
