Liverpool er á leið til Katar til að taka þátt í Heimsmeistarakeppni félagsliða.
Nú er það komið í ljós hvaða liði Liverpool mætir í undanúrslitum Heimsmeistarakeppni félagsliða í næstu viku.
Monterrey frá Mexíkó og Al-Sadd frá Katar mættust í kvöld, ljóst var fyrir leikinn að liðið sem myndi vinna þann leik myndi mæta Liverpool í undanúrslitum.
Niðurstaðan í leiknum var 3-2 sigur Monterrey og Liverpool mætir því mexíkóskuliði í undanúrslitunum þann 18. desember næstkomandi.
Í hinum undanúrslitaleiknum mætast Flamengo frá Brasilíu og Al Hilal frá Sádí-Arabíu.
Úrslitaleikurinn fer fram þann 21. desember. Heimsmeistarakeppni félagsliða fer að þessu sinni fram í Katar.
Athugasemdir
