Miðjumaðurinn Edoardo Bove snéri aftur til vallar í fyrsta sinn eftir rúmt ár frá keppni vegna hjartastopps.
Bove var í byrjunarliði Fiorentina þegar hann fékk hjartastopp á útivelli gegn Inter. Farið var með leikmanninn beint á spítala og leiknum frestað.
Bove jafnaði sig eftir hjartastoppið og er núna með bjargráð en samkvæmt reglum ítalska boltans þá mega leikmenn ekki spila með slíka græju. Ítalska deildin fylgir 0% áhættustefnu þegar kemur að hjartavandamálum fótboltamanna.
Bove skrifaði því undir samning við Watford í Championship deildinni og fékk að koma við sögu í fyrsta sinn í 2-2 jafntefli gegn Preston North End í gær. Bove, sem er 23 ára gamall, spilaði síðustu fimm mínútur leiksins.
Ítalinn þótti gríðarlega mikið efni áður en hann fór í hjartastopp og var lykilmaður upp yngri landsliðin.
Bove er fæddur og uppalinn í Róm og lék á láni hjá Fiorentina þegar hann fór í hjartastopp.
21.01.2026 18:53
Frá Roma til Watford (Staðfest)
Athugasemdir
