Burnley tók á móti Leeds í hádegisleiknum í dag á Turf Moor heimavelli Burnley. Leeds sigraði leikinn örugglega 4-0.

Mateusz Klich kom Leeds yfir á 44. mínútu, staðan 1-0 í hálfleik. Leeds setti í fluggír í seinni hálfleik en Jack Harrison skoraði annað markið á 60. mínútu og Rodrigo gerði útum leikinn með tveimur mörkum á 77. og 79. mínútu.

Jóhann Berg Guðmundsson byrjaði á bekknum hjá Burnley en kom inná á 70. mínútu.