U23 hópurinn - Flestar frá FH og fjórar sem spila erlendis

Margrét Magnúsdóttir, landsliðsþjálfari U23 kvenna, hefur valið hóp sem mætir Skotlandi í tveimur æfingaleikjum.

Báðir leikirnir verða leiknir á Falkirk Stadium í Skotlandi. Sá fyrri fer fram fimmtudaginn 29. maí og sá seinni mánudaginn 2. júní. Báðir leikirnir hefjast kl. 14:00 að íslenskum tíma.

Flestir leikmenn eru úr liði FH sem hefur farið frábærlega af stað í sumar. Þá eru fjórir leikmenn sem spila með erlendum félögum. Það eru þær Vigdís Lilja Kristjánsdóttir, Ísabella Sara Tryggvadóttir, María Catharina Gros og Diljá Ýr Zomers.

Diljá Ýr er að koma til baka eftir erfið meiðsli, hefur ekkert spilað síðan í desember. Hún setur stefnuna á að vera með A-landsliðinu á EM og vonandi nær hún að spila eitthvað gegn Skotum með U23.