Ragnar að störfum í kvöld.
„Við byrjuðum leikinn frekar illa en svo er þetta jafn leikur," sagði Ragnar Sigurðsson, varnarmaður íslenska landsliðsins, eftir 2-1 tap gegn Sviss í Þjóðadeildinni í kvöld.
Tapið gerir það að verkum að Ísland er fallið úr A-deild Þjóðadeildarinnar.
Tapið gerir það að verkum að Ísland er fallið úr A-deild Þjóðadeildarinnar.
Lestu um leikinn: Ísland 1 - 2 Sviss
„Fyrra mark þeirra kemur upp úr engu. Svo skora þeir annað ódýrt mark. Við vorum óheppnir að jafna ekki í endann. Við áttum fullt af færum."
Ragnar var ekki viss um hvað gerðist þegar Sviss komst í 1-0.
„Ég veit það ekki, ég þarf að sjá þetta aftur. Mér finnst ekkert vera í gangi, svo kemur góð fyrirgjöf og góður skalli. Það voru önnur augnablik í leiknum sem voru mun hættulegri og það kom ekkert út úr þeim. Þetta var skellur."
„Síðustu tveir leikir hafa verið nokkuð góðir og við áttum meira skilið út úr þeim báðum. Við getum byggt á þessu."
VIðtalið er í heild sinni hér að ofan.
Athugasemdir
