Patrik Sigurður Gunnarsson.
Patrik Sigurður Gunnarsson, markvörður U21 landsliðsins, var sáttur og sæll eftir frábæran 1-0 sigur gegn Írlandi á Víkingsvelli í dag.
Lestu um leikinn: Ísland U21 1 - 0 Írland U21
„Við vorum hungraðir og graðir í að svara fyrir þetta 5-0 tap fyrir Svíum. Við sýndum nákvæmlega hvað við getum þegar við vinnum saman sem lið," segir Patrik.
„Við áttum fyllilega skilið að vinna þennan leik, við vorum á fullu allan leikinn."
Patrik hefur fengið mikið lof á Englandi þar sem hann er samningsbundinn Brentford og leikur með varaliði félagsins. Hann er mikið efni og var spurður hvort hann væri ekki að taka hröðum framförum?
„Jú mjög hröðum. Sérstaklega þegar ég horfi á síðasta árið. Ég var verðlaunaður með nýjum samning. Ég er með traust þarna og nú er bara að halda áfram."
Sjáðu viðtalið í heild sinni
Athugasemdir
