Aron Sigurðarson.
Aron Sigurðarson, leikmaður Tromsö, verður í íslenska landsliðshópnum sem mætir Kosovó í undankeppni HM í næsta viku og Írlandi í vináttuleik í þarnæstu viku.
Heimir Hallgrímsson, landsliðsþjálfari, tilkynnir hópinn á morgun en Bård Flovik, þjálfari Tromsö, staðfestir í samtali við Nordlys í Noregi að Aron verði í landsliðshópnum.
Heimir Hallgrímsson, landsliðsþjálfari, tilkynnir hópinn á morgun en Bård Flovik, þjálfari Tromsö, staðfestir í samtali við Nordlys í Noregi að Aron verði í landsliðshópnum.
Aron skoraði í fyrstu tveimur A-landsleikjum sínum en hann hefur leikið alla þrjá æfingaleiki Íslands á þessu ári. Hann fær nú tækifæri í hóp í mótsleik í fyrsta skipti.
Birkir Bjarnason verður ekki með í komandi leikjum vegna meiðsla og afar ólíklegt er að Jóhann Berg Guðmundsson spili. Theodór Elmar Bjarnason er einnig í leikbanni og því kemur Aron sem nýr kantmaður inn í hópinn.
Óttar Magnús Karlsson verður líklega einnig í hópnum eins og Fótbolti.net greindi frá fyrr í dag en framherjarnir Alfreð Finnbogason og Kolbeinn Sigþórsson eru báðir fjarri góðu gamni vegna meiðsla.
Sjá einnig:
Óttar Magnús væntanlega í hópnum gegn Kosóvó
Landsliðshópurinn opinberaður á föstudag - Mörg spurningamerki
Athugasemdir
