Lengjubikar kvenna: Blikar í undanúrslit eftir stórsigur á Fram

Íslands- og bikarmeistarar Breiðabliks eru komnar áfram í undanúrslit A-deildar Lengjubikarsins eftir að hafa unnið 4-0 stórsigur á Fram á Lambhagavellinum í Úlfarsárdal í kvöld.

Hrafnhildur Ása Halldórsdóttir braut ísinn fyrir Blika á 11. mínútu og kom annað markið undir lok fyrri hálfleiks er Emma Kate Young stýrði boltanum í eigið net.

Karitas Tómasdóttir bætti við þriðja markinu í upphafi síðari hálfleiks áður en Hrafnhildur Ása rak síðasta naglann í kistu Framara stundarfjórðungi fyrir leikslok.

Blikar eru á toppi B-riðils með 9 stig, mest allra liða og svo gott sem búið að tryggja toppsætið. Undanúrslitasætið er tryggt og verður það líklega Víkingur sem mun fara með þeim þangað.

Víkingur er í öðru sæti með 6 stig en liðið mætir ÍBV í lokaleik riðilsins.