Everton steinlá á útivelli gegn Chelsea er liðin mættust í ensku úrvalsdeildinni í gærkvöldi, þar sem heimamenn unnu 6-0 á Stamford Bridge.
Þetta er í fyrsta sinn sem lið sem spilar undir stjórn Sean Dyche tapar með svo stórum mun í ensku úrvalsdeildinni.
„Þetta var hrikalegt kvöld, þeir refsuðu fyrir hver einustu mistök sem við gerðum. Við byrjuðum leikinn mjög vel og klúðruðum góðu færi í byrjun. Hefði það getað breytt leiknum?" spurði Dyche.
„Við vorum langt frá því að vera nógu góðir í þessum leik, við klikkuðum á undirstöðuatriðunum í fótbolta og var refsað fyrir það. Chelsea er með rándýrt lið og þeir sýndu gæðin sín í kvöld en við vorum sjálfum okkur verstir, við megum ekki gefa andstæðingum okkar svona auðveld færi í þessari deild.
„Þetta er skrýtið vegna þess að vandamálin hjá okkur hafa legið í sóknarleiknum frekar en varnarleiknum. Við megum ekki vorkenna sjálfum okkur, við þurfum að hrista þetta af okkur og ná í úrslit í næsta leik. Stuðningsfólkið okkar hefur verið frábært og á skilið að fá stuðninginn endurgoldinn með góðri frammistöðu."
Dyche var að lokum spurður hvort mínusstigin sem Everton fékk dæmd í úrvalsdeildinni hafi haft neikvæð áhrif á andlega hlið leikmanna.
„Þetta eru atvinnumenn sem mega ekki leyfa utanaðkomandi áreiti að hafa áhrif á frammistöðuna á vellinum."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 24 | 16 | 5 | 3 | 46 | 17 | +29 | 53 |
| 2 | Man City | 24 | 14 | 5 | 5 | 49 | 23 | +26 | 47 |
| 3 | Aston Villa | 24 | 14 | 4 | 6 | 35 | 26 | +9 | 46 |
| 4 | Man Utd | 24 | 11 | 8 | 5 | 44 | 36 | +8 | 41 |
| 5 | Chelsea | 24 | 11 | 7 | 6 | 42 | 27 | +15 | 40 |
| 6 | Liverpool | 24 | 11 | 6 | 7 | 39 | 33 | +6 | 39 |
| 7 | Brentford | 24 | 11 | 3 | 10 | 36 | 32 | +4 | 36 |
| 8 | Sunderland | 24 | 9 | 9 | 6 | 27 | 26 | +1 | 36 |
| 9 | Fulham | 24 | 10 | 4 | 10 | 34 | 35 | -1 | 34 |
| 10 | Everton | 24 | 9 | 7 | 8 | 26 | 27 | -1 | 34 |
| 11 | Newcastle | 24 | 9 | 6 | 9 | 33 | 33 | 0 | 33 |
| 12 | Bournemouth | 24 | 8 | 9 | 7 | 40 | 43 | -3 | 33 |
| 13 | Brighton | 24 | 7 | 10 | 7 | 34 | 32 | +2 | 31 |
| 14 | Tottenham | 24 | 7 | 8 | 9 | 35 | 33 | +2 | 29 |
| 15 | Crystal Palace | 24 | 7 | 8 | 9 | 25 | 29 | -4 | 29 |
| 16 | Leeds | 25 | 7 | 8 | 10 | 34 | 43 | -9 | 29 |
| 17 | Nott. Forest | 25 | 7 | 5 | 13 | 25 | 38 | -13 | 26 |
| 18 | West Ham | 24 | 5 | 5 | 14 | 29 | 48 | -19 | 20 |
| 19 | Burnley | 24 | 3 | 6 | 15 | 25 | 47 | -22 | 15 |
| 20 | Wolves | 24 | 1 | 5 | 18 | 15 | 45 | -30 | 8 |
Athugasemdir
