Það var nóg að gera hjá 3. deildarliði KH á lokadegi félagaskiptagluggans í gær.

KH krækti í sjö nýja leikmenn fyrir lok gluggans en þar á meðal er Sigurbjörn Hreiðarsson, aðstoðarþjálfari Vals. Hinn 42 ára gamli Sigurbjörn kemur frá Ármanni þar sem hann spilaði bikarleik á dögunum.

Framherjinn Aron Skúli Brynjarsson er kominn aftur til KH frá ÍR en markvörðurinn Magnús Þór Magússon er einnig kominn frá ÍR.

KH lagði Sindra í fyrstu umferðinni í 3. deildinni um síðustu helgi en næsti leikur liðsins er gegn Ægi annað kvöld.