Þórður Þórðarson, þjálfari ÍA, var svekktur eftir að liðið missti niður 1-0 forskot og tapaði 4-2 gegn KR á útivelli í kvöld.
,,Við höfum séð þetta áður í sumar. Við fáum á okkur klafualegt mark eftir hornspyrnu, við eigum að verjast þessu og síðan fáum við þetta í andlitið. Eitt, tvö og þrjú," sagði Þórður eftir leik.
,,Við höfum séð þetta áður í sumar. Við fáum á okkur klafualegt mark eftir hornspyrnu, við eigum að verjast þessu og síðan fáum við þetta í andlitið. Eitt, tvö og þrjú," sagði Þórður eftir leik.
Lestu um leikinn: KR 4 - 2 ÍA
Þórður gerði fimm breytingar á byrjunarliðinu frá því í síðasta leik en Ármann Smári Björnsson, Joakim Wrele og Páll Gísli Jónsson voru frá vegna meiðsla auk þess sem Jan Mikael Berg og Aron Ýmir Pétursson voru teknir úr liðinu.
,,Þrjár af þessum breytingum voru tilkomnar vegna meiðsla og tvær vegna þess að menn hafa ekki verið að standa sig nógu vel. Það gekk vel í 60-70 mínútur í dag en þetta var lélegt eftir það."
Jóhannes Karl Guðjónsson leysti Ármann Smára af í hjarta varnarinnar. ,,Mér fannst Jói standa sig vel. Hann talaði mikið og stjórnaði liðinu vel. Við fengum á okkur fjögur mörk og þá er það ekki nóg."
Gary Martin skoraði gegn sínum gömlu félögum en Þórður segir að það hafi ekki verið extra leiðinlegt. ,,Nei, það skiptir mig ekki rassgat máli hverjir skora, það er bara leiðinlegt að tapa."
