FH rúllaði yfir Tindastól 5-1 í Kaplakrika í 9. umferð Bestu deildarinnar í kvöld eftir að hafa verið undir 0-1 í hálfleik.
„Þetta er bara geggjað, við þurftum þú veist að klára þennan leik til að vera í toppbaráttunni og við gerðum það bara í seinni hálfleik, þannig ég er mjög stolt af liðinu og þetta er bara geggjað" sagði Ída Marín Hermannsdóttir eftir leik
Lestu um leikinn: FH 5 - 1 Tindastóll
Líkt og áður sagði fór FH inn í hálfleikinn með 0-1 á bakinu, aðspurð hvort þær hefðu fengið sérstaka ræðu í klefanum svaraði hún „Já það var eiginlega bara drullað yfir okkur en hérna þannig á það bara að vera, við vorum bara hræðilegar í fyrri hálfleik og fengum líka pepp nottlega."
Ída setti tvö mörk í seinni hálfleik í algjörum viðsnúningi FH liðsins „Bara geggjað, já ég hérna elska að skora og bara gaman þannig ég já bara geggjað."
Næsti leikur FH og sá síðasti fyrir EM pásu verður gegn Val í Kaplakrika á laugardaginn kl. 14:00
