Alfreð að ráða Freysa?

Freyr var í upphafi mánaðarins látinn fara frá Brann eftir að hafa gert þar flotta hluti. Var Brann í toppbaráttu á síðasta tímabili og komst í norska bikarúrslitaleikinn ásamt því að liðið komst í umspil um að komast í 16-liða úrslit Evrópudeildarinnar. Brann lenti í vandræðum á þessu tímabili og Freyr var látinn fara.

Nú segja Bergens Tidende og Adresseavisen í Noregi að Alfreð hafi rætt við Frey um starfið hjá Rosenborg sem er laust. BT segir jafnframt frá því að Freyr fái starfið ef hann vill það.

Rosenborg er sögulega séð stærsta félagið í Noregi en hefur verið í talsverðu brasi undanfarin misseri. Rosenborg er þessa stundina í næst neðsta sæti norsku úrvalsdeildinni.