PSG tapaði fyrstu tveimur leikjum deildarinnar gegn Lens og Marseille en eftir að hafa fengið megnið af mannskapnum aftur inn komst liðið aftur á sigurbraut og hefur nú unnið síðustu fimm leiki sína.

Kylian Mbappe skoraði fyrsta markið á 32. mínútu eftir laglegan sprett en liðið gerði síðan þrjú mörk á síðustu fimmtán mínútum leiksins.

Alessandro Florenzi bætti við öðru marki á 77. mínútu áður en Mbappe gerði annað mark sitt í leiknum. Pablo Sarabia skoraði fjórða og síðasta markið en hann lagði einnig upp tvö mörk í leiknum.

4-0 sigur PSG staðreynd og liðið komið í toppsætið með 15 stig. Hægt er að sjá bæði mörk Mbappe hér fyrir neðan.

Fyrra mark Mbappe
Seinna mark Mbappe