Það er möguleiki á því að Gallagher muni yfirgefa Chelsea í þessum mánuði en hann hefur ekki verið í mjög svo stóru hlutverki hjá liðinu á tímabilinu.

Samkvæmt Sky Sports þá er Chelsea ekki búið að taka endanlega ákvörðun um það hvort Gallagher megi yfirgefa félagið.

Gallagher, sem er 22 ára, var á láni hjá Palace á síðustu leiktíð og átti stórfínt tímabil þar sem hann skoraði átta mörk í 39 leikjum. Það myndi styrkja lið Palace mikið að fá Gallagher aftur.

Crystal Palace er sem stendur í tólfta sæti ensku úrvalsdeildarinnar en Newcastle er meðal annarra félaga sem Gallagher hefur verið orðaður við.