Keflavík hefur samið við unglingalandsliðsmanninn Egil Val Karlsson, sem kemur til félagsins frá Breiðabliki.
Egill Valur er 17 ára gamall vinstri bakvörður sem semur við Keflavík til ársins 2029.
Hann á að baki 13 landsleiki með U15, U16 og U17 ára landsliðum Íslands.
Bakvörðurinn á þrjá leiki í Lengjubikarnum fyrir meistaraflokk Breiðabliks, en ætlar nú að reyna fyrir sér hjá Keflvíkingum í leit að fleiri tækifærum.
Egill er ættaður frá Keflavík en faðir hans, Karl, er uppalinn Keflvíkingur.
