Ólafur Ingi Skúlason.
Frá látunum.
Breiðablik vann 1-0 sigur á ÍA í 2. umferð Bestu deildarinnar fyrr í kvöld. Höskuldur Gunnlaugsson, fyrirliði liðsins, skoraði eina mark leiksins úr vítaspyrnu.
Ólafur Ingi Skúlason, þjálfari Breiðabliks, ræddi við Fótbolta.net eftir leik.
Ólafur Ingi Skúlason, þjálfari Breiðabliks, ræddi við Fótbolta.net eftir leik.
Lestu um leikinn: Breiðablik 1 - 0 ÍA
„Ánægður með að hafa unnið. Þetta var mjög erfiður leikur. Mér fannst við vera stýra leiknum ágætlega í fyrri hálfleik þó að við sköpuðum kannski ekki margar stöður sem við búum til færi úr. Í seinni hálfleik fannst mér við passívir og skrefinu á eftir. Kannski pínu heppnir að hafa náð að hanga á þessu. Það er jákvætt að taka þrjú stig og spila ekki eins vel og við getum.“
Það ætlaði allt um koll að keyra undir lok fyrri hálfleiks. Valgeir Valgeirsson, leikmaður Breiðabliks, og Lárus Orri, þjálfari ÍA, létu einhver orð falla við hvorn annan og Valgeir sakaði Lárus um að kalla sig tussu. Við það skarst Ólafur Ingi Skúlason, þjálfari Blika, inn í leikinn og lét Lárus heyra það.
Undir lok leiks voru svo aftur læti en þá voru aðstoðarþjálfarar beggja liða reknir af velli. Ólafur Ingi gerði þó lítið úr málunum;„Þetta voru einhver smá læti. Menn ósammála einhverju. Bara eitthvað.“
Viðtalið má sjá í heild sinni í spilaranum hér að ofan.
